மதுவாகினி

மூழ்கும் அறம்

தொடர்ந்தாற்போல்
இரு வட்டங்களை வரைந்தேன்
பெயரிட்டேன்
ஒன்றிற்கு கண்ணகி
மற்றதற்கோ மாதவி
வட்டம் தன் நிலம் இழக்க
பீடித்த பாலை
மறுவட்டத்திற்கும் விரவியது
வேறு வேறு வட்டங்கள் வரைகிறேன்
கோவலன் ஒட்டகம் ஏறி
பாலை கடந்து பாலை வளர்த்தெடுத்து
எதிர்படும் சிறுமியிடம்
அறம் போதிக்கிறான்
நிலம் கொழிக்க அடங்கியிருவென
நகைத்துக் கடந்தவள்
பெய்த மூத்திரத்தில்
மூழ்கப்போவது ஒட்டகம் மட்டுமல்ல...