மதுவாகினி

எனது கடல்

முதுகை கிழித்தது நத்தை
பிரதேசம் கடலாக விரிந்தது
கரை ஒதுங்கி அதிசயித்தேன்
என் வாசம் நுகர்ந்த அலை
அடுத்தடுத்து நெருங்க
கடலடைந்த நாட்கள் காட்சியானது
சிறார்கள் அலைகளைத் தாண்டி ஜெயித்தனர்
ஒருவன் மூதாதையரை
பிண்டமாக கரைத்துக்கொண்டிருந்தான்
ஈர யுவதிகள் சங்கு சேமித்தபடி
கடலை உறிஞ்சியபடி தனித்திருந்தவன்
அருகழைத்து கையளித்தான்
பிடி உப்பின் வெப்பத்தில்
கடல் காய்ந்தது.