மதுவாகினி

தொடரும் கதை

கடலும் மலையும் தாண்டி
மந்திரவாதியால் காக்கப்படும் குப்பியுள்
அடைபட்டதும் அல்ல

அதிகாரம்
பொய்யை உண்மையாக்க
நக்கீரனை வீழ்த்திய நாடகத்தில்
கொங்குதேர் வாழ்க்கை...
பாடலிலிருந்து உதிர்ந்ததும் அல்ல

மாட்டுக்கறி ருசித்த
மதிய பொழுதொன்றில்
சோற்றில் சிக்குண்டதை மீட்க
சிரிப்பை மின்னச் செய்தது

மகிழ்வுதான்
மயிர் நீட்டிக்கும்
உறவுகளை நினைக்க...