மதுவாகினி

அணுஉலையெனும் மாய சுடுகாடு


நம்ப மறுத்தோம்
அறிவியலாளர்களின் சுலோகங்களை ஒளிபரப்பினீர்கள்
பொய்யின் ஆழம் அறிய
மேலும் அச்சம் கொண்டோம்
விசுவாச நாய்களை அழைத்தீர்கள்
மோந்து பார்த்து
மணமும் அற்புதமும் நிறைந்ததென
எஜமானர்களை திருப்திபடுத்தினீர்கள்
நாங்கள் நம்ப மறுத்தோம்
எச்சரிக்கை செய்தீர்கள்
அடித்து துன்புறுத்தினீர்கள்
சிறையில் அடைத்தீர்கள்
அயலக சதியென கொச்சைபடுத்தினீர்கள்
துப்பாக்கியால் சுட்டும் கொல்கிறீர்கள்
இப்பவும் நாங்கள் நம்ப மறுக்கிறோம்
எங்களுக்கு உண்மை தெரியும்
ஒரு சுடுகாடு
வெண்மை பரப்பி ஒளியூட்டும் பறவையை
ஒருபோதும் பிறப்பிக்காது...