மதுவாகினி

காட்சிகள்

காட்சி 1

அசைபோட்டபடி நிற்கும் மாட்டின்
உடல் ஊறும் உனி பிடுங்கி
நசுக்கி முடித்த தாத்தாவின்
தலை கிளரி பேன் குத்தும்
பாட்டியிடும் விடுகதைக்கு
விடை தேடும் என் பயணம்
உலகை உருண்டையாக்கி
பாட்டியிடமே மையமிடும்...

காட்சி 2

பாட்டியோடு பட்டியையும்
தொலைத்த தாத்தாவின்
வலி நீக்கியானது பாக்கெட் சாராயம்
பாட்டி நட்சத்திரமான நாளொன்றில்
மதுவிலக்கும் காவலாளியின்
கை சிக்கினார் கடத்தல்காரனாய்
தெண்டமிட்ட மீட்புப் பணம்
டாஸ்மாக்கில் மது உறிஞ்சும்
ஸ்ட்ராவாக...

நன்றி: வல்லினம் இணைய இதழ்